Rósa Dögg

Grey´s anatomy

2006-07-06T13:13:00.000Z

Grey´s anatomy aðdáendur nær og fjær.
Klukkan átta í kvöld (sex á íslenskum tíma)er ég af fara að hitta castið úr Grey´s anatomy hérna í mílanó!!!!
Já þetta er ekki grín gellur, þeir eru með hitting fyrir áhagnendur þáttana í bíói hér í kvöld og við erum sko að fara!!
Setjið inn óskalista af spurningum í comment og ég skal reyna að komast að :-) múhahaha

Forza Italia!!!

2006-07-05T11:24:00.000Z

Ég held að þetta sé í fyrsta skipti sem ég fæ tár í augun við að lesa íþróttablaðið í mogganum. Gat ekki haldið aftur af mér af stolti, já mínir menn eru komnir áfram í úrslitaleikinn og það ætlaði allt að verða vitlaust hérna á ítalíu í gær. Ég var að horfa á leikinn á bar niðrí bæ og ég á bara engin orð yfir því hvernig stemmningin var. Fólk lagðist í gólfið af gleði þegar við vorum búin að innsigla sigurinn.
Labbaði niður á torgið eftir leikinn og það var eins og við hefðum þegar unnið heimsmeistaratitilinn, ég veit ekki hvernig þetta verður ef við vinnum miðað við hvernig fagnaðarlætin voru í gær.
Ég veit ekki hvað ég á að segja meira, sjón er sögu líkari, ég bara ekki til orð yfir gærkveldið.

Heimsókn

2006-06-30T13:30:00.000Z

Síðasti vinnudagurinn minn var í dag, kláraði að prenta og setja verkefnið í pakka og svo verður keyrt með það til Padova á morgun!!
Já ég er sem sagt komin í frí! einn mánuður í að gera ekki neitt, úff hvað það verður yndislegt.
Er að bíða núna eftir að Cindy sistir mín frá mexicó dingli á dyrnar hjá mér, hún er lent hérna í mílanó og verður hérna hjá mér í heilan mánuð, get ekki beðið eftir að sjá hana erum ekki búinar að sjást í 6 ár!
Er á leiðinni upp í fjöll til Uli vinkonu minnar um helgina, ætlum að vera þar vinirnir í sumarhúsinu hennar að grilla og liggja í sólbaði/leti.
16 júlí förum við svo til toscana og gerum einhvað svipað.
Þannig að það er nú kannski nóg framundan hjá mér, svo er ég náttúrulega á ítalíu og það þarf bara að hoppa upp í næstu lest og þá er maður komin á strönd þannig að....
jæja búin að vera svo lengi að skrifa þetta að það er byrja að dropa ofaní takkaborðið!
see ya

Rooooxxxxaaaannnne!

2006-06-24T11:00:00.000Z

i´m an english man in new york...dúdúdúdúrú!
Jú þetta er Sting kallinn, skellti mér á útitónleika með honum hérna niðrí bæ í gær, ekki alltaf sem maður fær að sjá Sting frítt.
Flottur kallinn að verða 60 ára er það ekki og aldrei verið eins sexy!
Fórum nokkrir íslendingar að hlusta á kappann og ég varð bara svolið hissa á hvað hann er rokkaður, á tímabili hélt maður að Axel Rose væri stiginn á svið svo rokkað var þetta, og trommuleikarinn hans er allveg geggjaður!!!!
Held að hann og hálsinn á honum hafi verið breiðari en sjálft trommusettið en krafturinn í gæjanum!! hann var hálft show-ið!
En svo vantaði ekki ljúfu lögin hans sem bræddi hjarta okkar stelpnanna.
En hitinn heldur áfram og það voru 36 stiga hiti klukkan 19 í gærkveldi á öllum hitamælum í borginni þannig að ég tók það gott og gilt, þorði ekki út um daginn til að tékka á hitanum þá. Fer að verða eins og vampírurnar sem fara bara út á kvöldin.
Langar ykkur ekki að senda smá kalt loft til mín,plííísss!
En held að þessi hitabylgja sé að verða búin í næstu viku sem betur fer.
Lærasvitinn fer þá í frí í smá stund!
Bið að heilsa úr hitanum, ciao ciao!

Búðaráp

2006-06-23T11:43:00.000Z

Ég er farin að vinna í súpermarkaði, sá auglýsingu um laust starf í súpermarkaði hérna í næstu götu og er alvarlega að hugsa um að sækja um það!
Eftir skemmtiferðina okkar Önnu í búðina í gær er ég búin að ákveða þetta.
Og já í fyrsta skipti hefur mér fundist gaman að fara í búðina, ég og anna vorum að dunda okkur í næstum klukkutíma að kaupa 3 hluti í búðinni, vorum alvarlega að spá í að setjast að í búðinni svo yndislegt var þetta. Ef einhver er ekki búinn að kveikja á bjöllunni þá erum við að tala um að búðin er með loftræstingu!!
Ég er sem sagt á leiðinni aftur í búðina núna!!!

Umferðapistill

2006-06-22T13:18:00.000Z

Elsku ítalarnir mínir verða seint taldir með þeim gáfuðustu þjóðum í heim. Eitt dæmi um þetta er allt sem við kemur umferðarmenningu. Þeir eru svo hrikalega vitlausir í umferðinni greyin en kannski ekki furða miðað við hvað þeir eru uppaldir við. Hérna á ítalíu eru mjög fáar borgir t.d sem setja merkingar á göturnar sem segja til um á hvaða götuhelming þú átt að halda þig á, þar af leiðandi swínga menn fram og til baka á götunum og það myndast 5-6 raðir á götu sem ætti í rauninni bara að vera tvöföld.
Það er kannski þá ekki von að greyin viti ekki hvað þessa stóru þykku línur sem liggja beint yfir götuna þýða, þeir virðast alltaf vera jafnhissa hvað maður skildi vera að reyna þegar maður reynir að hætta lífi sínu með því að fara yfir götuna á þessum þykku hvítu línum sem eiga að kallast gangbraut.
En svo kemur það besta: merkingar!!
Merkingar eru einhvað sem þeir planta niður svona bara þar sem þeim henta. Tökum til dæmis bæjarmerkingar! Ég er nýbúin að læra það hvernig bæjarmerkingar virka hérna, það eru sem sagt til nokkurs konar bæjarmerkingar. Þegar maður sér bæ sem er merktur með brúnu merki þá þýðir það að þú ert kominn inn í umráðasvæði þess bæjar en það getur verið jafnvel í 10 km fjarðlægð frá bænum sjálfum! Svo kemur grænt merki og það þýðir þá að þú sért loksins kominn inn í bæinn, þetta getur reyndar verið ofboðslega ruglingslegt því að þetta er ekki eins og á íslandi þar sem er minns 20 km á milli bæja, nei nei, hér endar einn bær og byrjar annar á innan við centimeter. Þannig að maður veit aldrei í hvaða bæ maður er staddur.
Svo er það þegar maður er á hraðbrautinni og ætlar t.d að fara til Pisa, tökum það sem dæmi, þá eru að minnsta kosti 5 skilti sem beina þér til Pisa. Hvað er málið!!
Maður veit ekki hvað maður á að halda, ætli það hafi orðið verksmiðjugalli og of mikið af Pisa skiltum framleidd þannig að þeir hafi ákveðið að planta þeim bara einhver staðar og ekki láta þau fara til spillis eða hvað........?!
Það er auðvitað kommon sense að það séu þar af leiðandi 5 leiðir til þess að komast til Pisa en ekki taka það svo léttilega hérna á ítalíu, alla vega geri ég það ekki eftir að ég sá þátt um daginn í sjónvarpinu þar sem ítalir eru að gera grín að sjálfum sér og þar sá ég einmitt að það var gæji sem var á leiðinni til Montechiassi sem á að vera nálægt Róm að sögn ítala. Þessi maður sendur fyrir framan skilti sem segir á Montechiassi og heldur af stað! Svo kemur næsta skilti og þar á hann að beygja til hægri og hann gerir það auðvitað. Á næsta skildi á hann að halda áfram beint og hann gerir það. Á því næsta á hann að beygja til vinstri og....hann gerir það. Eftir nokkra stund viti menn...............er hann ekki kominn á sama stað og hann byrjaði á!!!! Til þess að fullvissa sig um að hann hafi farið allveg rétta leið og farið eftir öllum skiltum tók hann tvær aðrar umferðir á þetta að reyna að komast til Montechiasso en án árangurs! Hvernig ætli hægt sé að komast til Montechiasso?!
Til að tékka á þessu hvernig hægt væri að komast þangað eða hvort Montechiasso væri einfaldlega til fór hann til ríkisins og spurðist fyrir, svörin voru á þennan hátt: "Já við vitum af þessu vandamáli og það er verið að vinna í þessu að leiðrétta þetta"
.........vinna í þessu já!! ætli fólk komist þá á meðan ekki til Montechiasso eða?
Þetta held ég að segi manni bara það ekki taka allt sem sjálfsögðu hérna á ítalíu.
Úffff........svo er komið á uppáhalds umferðarskiltinu mínu :-)
Í 80% tilvika þegar maður kemur að gatnamótum og það er um tvennt að velja, það er að beygja til vinstri eða hægri þá bíður manni þetta umferðarskilti á myndinni hérna fyrir ofan.(Verð að setja myndina inn seinna, virkar ekki núna) Í þessu tilfelli til vinstri gat ég farið til Brennero, Modena,Milano eða Feneyja og til hægri tutte le direzione, sem þýðir "allar áttir".......what!!! hvað á það að þýða?????!!!!!
Við skulum bara segja það að ég mæli ekki með neinu móti að fólk leigi sér bílaleigubíl hérna á ítalíu.
Takið lestina!!

Innanhússarkitekt

2006-06-20T20:03:00.000Z

Já herren og fruen Rósa Dögg Þorsteinsdóttir er útskrifaður innanhússarkitekt úr þeim ágæta skóla ISAD hérna í Mílanóborg. En það er víst ekki nóg að vera útskrifaður.........nú byrja herlegheitin.......að leita sér að einhverju sem heitir vinna! Veit reyndar ekki hvar ég á að byrja...Mílanó eða Frónið, eða kannski bara úberkistan, þeim vantar örugglega einhvern til að lakka upp á skúrana sína þar eða hellana, gæti orðið innahellaarkitekt ef allt færi á hinn versta veg.
Er að klára verkefnið sem ég tók að mér í internship vinnunni minni á vegum skólans í maí, hélt sem sagt áfram að vinna þar enda áhugavert verkefni sem ég var að vinna að og svo skemmir ekki fyrir að ég er ein af aðalhönnuðunum að þessu verkefni, sem er samkeppni um grunnskóla hérna á ítalíu.
Eftir fimmtudaginn er ég sem sagt komin í _FRÍ_ þá loksins getur maður farið að njóta þessara sólar sem er að kæfa mann alla daga hérna á almennan hátt.
Quick tan brúsinn, bikiníið og alka selzer allt klárt!
Það verður líka tekið djamm á þetta sko!
Cindy skiptinema systir mín er svo að koma 30 júní og þá verða mikil fagnaðarlæti á Govone því við höfum ekki sést í 6 ár akkúrat! Get ekki beðið eftir að hún komi og svo fæ ég líka gotterí frá Mexícó, pöddur og svona, ummmmmmmm!

Lokaprófið á morgun

2006-06-13T18:30:00.000Z

R�sa D�gg
Er að fara í lokaprófið mitt á morgun, 8 tíma próf þar sem við fáum afhent á staðnum húsnæði til að innrétta.
Er allveg nettstressuð fyrir þessu því einkunnin okkar byggis á þessu prófi þannig að eins gott að koma með einhverja góða hugmynd!
Allavega óskið mér góðs gengis og krossið fingurnar!

Ole ole ole ole........ITALIA!!!!!

2006-06-12T20:02:00.000Z

Ég og Anna sitjum heima að horfa á fyrsta leikinn hjá ítalíu. Ítalía-Ghana.
Það er enginn úti á götunum hérna, ég gæti hlaupið um nakin úti án þess að einhver myndi taka eftir því, það eru allir límdir við skjáinn hérna. Ítalía skoraði áðan og ég hélt að allt ætlaði að verða vitlaust í hverfinu.
Annars að frétta af mér er það að skólinn er búinn, vorum að halda lokasýninguna á föstudaginn og lokaprófin verða frá miðvikudeginum til föstudagsins. 8 tíma próf á miðvikudaginn!!!
Er búin að láta sjá mig nokkuð á djamminu hérna á síðast liðunum vikum, var svo lasin á seinasta laugardag að ég svaf til sjö um kvoldið, helgina áður fórum við stelpurnar íslensku ásamt 3 vinkonum Báru sem komu í heimsókn, Bryndís, Jóhanna og Elín, á djammið, fyrst út að borða á old fashion og svo á just cavalli áttum við borð eftir á. Var reyndar þá daginn eftir mætt á Gardavatn í pic nic fjórum tímum eftir að ég kom heim af djamminu og kalla ég það nú nokkuð gott.
Takk fyrir geggjað kvöld gellur!

Myndir af þessu öllu saman eru komnar inn, leyniorðið er nafnið á eldri bróður mínum. Fyrir þá sem ekki vita það látið mig vita og ég sendi ykkur það.

jæja ætla að hald áfram að horfa á leikinn, hálfleikurinn er búinn.

Forza Italia!

Viðkvæmt mál

2006-05-22T15:57:00.000Z

"ræsk""ræsk"
Ég veit að þetta er viðkvæmt mál hjá sumum þannig að ég ætla að fara fínt í þetta.
- Ég er ekkert að koma heim -
....allavega ekki í bráð.
þeir sem eru búnir að setja mig inn á sumarplönin sín, þið vitið.... útileguna,reykjavík 101,lónið,utanlandsferðir,fótbolti,karfa,fyrsta helgin í júlí,matarboð,bootcamp,sumarbústaðarferðir og pussywagon í eyjum.....strokið mig út!
Ég ætla að sleikja sólina með cindy skiptinemasystur minni frá mexico hérna í milano í sumar og taka kannski í leiðnni snekkju hönnunar námskeið í skólanum.
Ætli ég komi svo ekki heim þegar pynjan er tóm!
Sjáumst þá gott fólk :-)

Holy smoly guacamole

2006-05-15T22:14:00.000Z

Hellúúú gott fólk.
Já ég er ekki dauð og já ég er löt að blogga.
Sit fyrir framan imbann að horfa á Lost, er búin að sofa í allan dag nánast, fyrir utan að hafa farið í vinnuna í morgun. Held að Anna hafi reynt heiðarlega að bjóða mér í apperitivo á Swami áðan en ég tilkynnti henni hálf út úr heiminum að ég væri sofandi, held ég sé með sólsting eftir allt góða veðrið um helgina, veit ekki hvað annað gæti úskýrt þessa þreytu.
Skólinn er búinn hjá mér, á bara eftir 2 próf, skriflegt 8 tíma próf og munnlegt daginn eftir, dagana 14-16 júní svo er ég útskrifuð, mín að verða fullgildur innanhúss arkitekt!!
Er að vinna núna þennan mánuð, svona internship dæmi sem skólinn útvegar.
Er að taka þátt í samkeppni um grunnskóla og leikskóla rétt hjá Padova, hélt svona í fyrstu að ég væri að hjálpa til við hönnunina og yrði svona önnur hönd arkitektsins, erum tveir lærlingar hjá honum og erum búin að vera að vinna heimildarvinnu síðustu viku, svo kom bara á daginn að það erum við 2 sem eigum að hanna allann skólann og arkitektinn okkar gefur svona grænt ljós á það sem við erum að gera annars erum við með frekar fríar hendur á þessu. Veit eiginlega ekki hvort ég á að vera í skýjunum eða að skíta úr hræðslu, við erum jú að tala um heila tvo skóla ekkert lítið sko!
Fór heim um páskana eins og mörg af ykkur vita og sáuð, það var verið að ferma Sindra bróðir, seinasta fermingin í famelíunni. Það var stutt gaman heim,stoppaði í vikur og var að læra allan tímann, náði þó að mæta í 25 ára afmælið hennar Möttu pöttu, frábærar kræsingar. Held að ég hafi farið nokkrum kökum, páskaeggjum og lambasteikum þyngri út aftur. Get ekki sagt að það hafi ekki verið séð um mig þarna heima.
Foreldrar mínir komu svo í heimsókn til mín 3 dögum eftir að ég fór út aftur og þar sem ég var komin í frí í skólanum fórum við á smá road trip. Byrjuðum á að fara á formúluna í Imola, svaka fjör og svo að skoða Toscana hérað, Flórens, Pisa og fleira.
Þau stoppuðu í viku og svo vikuna eftir það kom nafna mín Ragnarsdóttir. Get ekki lýst þeirri gleði að fá hana hingað, skemmtum okkur vel yfir rauðvíni, bjór og salsa réttum á meðan við hömuðumst á dreddunum hennar í heila 4 daga, já vorum að taka þá úr. Hefði allveg getað hugsað mér einn daginn að prufa að fá mér dredda en eftir þessa reynslu, NEI TAKK!!!
Vona að Rósa geti einhvern daginn fyrigefið mér þetta.
Held að hún fái martraðir um mig að rífa af henni hárið í nokkur ár eftir þetta.
Ég er loksins farin að geta lifað sældarlífi hérna, enginn skóli til að hugsa um og enginn heimalærdómur, get varið heilu helgunum í ekki neitt og er sko búin að nýta mér þetta sældarlíf. Fór á laugadaginn með Píunum, Báru og Telmu í sólbað á Idroscala (vatn hérna rétt hjá) og Biggi og Guðbjörg mættu líka, svo var sunnudagurinn líka tekinn í rólegheit í Sempione garðinum, 30 stiga hiti og sól og blíða, það er ekki hægt annað en að liggja og gera ekki neitt í svona hita.
Arnheiður sem er búin að búa hjá okkur síðan í mars er að yfirgefa okkur, okkur til mikilla ama, hver á nú að elda ofaní okkur???
Jæja það er svo mikið að segja en ég nenni ekki meir, þið nennið heldur örugglega ekki að lesa meir þannig að best að snúa mér að einhverju öðru, Lost er búinn, búin að fræðast um sögu Hitlers og uppáhalds sjónvarps kokkurinn minn með bumbuna er búinn að kenna mér að gera kjúklinga salat, held að þetta sé komið nóg af sjónvarpsglápi og best að fara að sofa enn og aftur.
Góða nótt elskurnar mínar

Tvær góðar þrautir

2006-03-19T14:28:00.000Z

Hver verður fyrstur að leysa gáturnar??? Setjið svörin í comment

Ef þú segir mig er ég ekki lengur. Hver er ég?

Hver á fiskinn?

Sagt er að Albert Einstein hafi sett fram þessa gátu:

Fimm hús í fimm mismunandi litum standa í röð frá vinstri til hægri. Í hverju húsi býr maður af ákveðnu þjóðerni, engir tveir af því sama. Íbúarnir fimm drekka ákveðinn drykk, reykja ákveðna vindlategund og hafa ákveðið gæludýr. Engir tveir þeirra drekka sama drykkinn, reykja sömu vindlategund eða halda sama gæludýrið.

Aðrar upplýsingar:

1. Bretinn býr í rauða húsinu.
2. Svíinn hefur hunda sem gæludýr.
3. Daninn drekkur te.
4. Græna húsið er næsta hús vinstra megin við það hvíta.
5. Íbúi græna hússins drekkur kaffi.
6. Sá sem reykir Pall Mall heldur fugla.
7. Íbúi gula hússins reykir Dunhill.
8. Íbúi hússins í miðjunni drekkur mjólk.
9. Norðmaðurinn býr í fyrsta húsinu.
10. Sá sem reykir Blends býr við hliðina á þeim sem heldur ketti.
11. Sá sem á hest býr við hliðina á þeim sem reykir Dunhill.
12. Sá sem reykir Bluemasters drekkur bjór.
13. Þjóðverjinn reykir Prince.
14. Norðmaðurinn býr við hliðina á bláa húsinu.
15. Sá sem reykir Blends býr við hliðina á þeim sem drekkur vatn.

Þess má til gamans geta að Einstein fullyrti að aðeins 2% fólks gæti leyst gátuna. En flestir ættu að geta leyst hana með þolinmæði.

Magnaðir pizzubrandarar -- Italian jokes

2006-03-15T15:40:00.000Z

Þetta er allveg brilljant!!
Ég er búin að reyna í öll þessi ár sem ég er búin að eiga heima í landi Pizzunnar að útskýra á mannamáli hegðun Pizzubúanna en ekki tekist það almennilega hingað til. Svo rakst ég á þennan myndbút og.....viti menn!
Góða skemmtun

comment höfundarins: " I am trying this way to give an honest image of italians. So please look at the video with some sense of humor - - Ciao

http://www.infonegocio.com/xeron/bruno/italy.html

Læt fylgja með annan myndbút frá sama höfundi sem hittir svona líka beint í mark!
Konur og menn hverjir eru ekki sammála þessu?!!

(mami this is for you)

http://www.bozzetto.com/flash/fem_male.htm

Ítalir gera svakalega mikið grín af sjálfum sér og hérna eru nokkrir góðir, ALGJÖRLEGA SANNIR! pizzu brandarar

The world where we live:

The results of a poll made by United Nations came out.
The question was: "Please, tell us honestly what is your opinion about the abundance vs scarcity of food in the rest of the world."
The results were as follows:
The Europeans did not understand what was meant by "scarcity". The Africans did not understand “abundance.” The Americans asked the meaning of the "rest of the world". The Chinese, puzzled, asked for an explanation of "opinion". Meanwhile, in the Italian Parliament, they are still debating the meaning of "honestly".

Classic Europen Heaven & Hell
Heaven : Where cooks are French, mechanics are German, police is English, lovers are Italian and everything is organized by the Swiss.
Hell: Where cooks are English, mechanics are French, police is Germans, lovers are Swiss and everything is organized by the Italians.

Nationalities:- A cruise ship captain has to convince the passengers of his sinking ship to jump overboard. He has to use a different approach with each European.
He tells the English it would be unsporting of them not to jump. He tells the French it would be the smart thing to do. He tells the Germans that it is an order. And he tells the Italians that jumping overboard is forbidden.

Heilsuátak

2006-03-13T22:09:00.000Z

-B- erum við ekki ennþá í heilsuátaki? (eins og ég kýs að kalla það)
Langaði að láta fylgja með mynd til að sýna hvað við vorum nettar í denn....og jaa þó, ekki svo langt síðan!
Er ekki viss um að ég nái viðmiðinu okkar um páskana, en hver veit er að reyna....

Heilagur sannleikur eða algjört bull?

2006-03-13T21:48:00.000Z

Hvað segið þið?

Take the quiz:
What color are you?

White
Your color is white.... The purest of all, you live to serve, and make others happy... You never anger, always understand, and always do what is right... You are almost angelic... You are trustworthy and friendly....

Quizzes by myYearbook.com -- the World's Biggest Yearbook!

Konudagurinn 8.mars

2006-03-07T22:59:00.000Z

Konudagurinn hérna er í dag
Og fékk ég blóm í tilefni þess :-)

--- Til hamingju konur ---

Sól sól sól, glampandi sól

2006-03-06T11:04:00.000Z

Hihihihihi :-)

Var að heyra í fréttunum á bylgjunni að það væri rigning hjá ykkur elskunum. Langar bara að segja að það er geggjað veður hjá mér!! Glampandi sól og já....allveg stuttbuxnaveður ( fyrir íslendinginn allavega, veit ekki með ítalann)
Verst að ég get ekki notið þess, er inni að læra fyrir lokaprófið mitt á föstudaginn :-(
En er með stórann glugga og sit fyrir framann hann þannig að það má nánast segja að ég sitji úti.
Vorið að koma og ég þá læðist inn sú hugsun að ég hlýt að vera biluð að vera jafnvel að pæla í að flytja heim! Veit ekki gott fólk......

Læt fylgja með mynd tekna úr glugganum mínum svona til þess að strá salti í sárin ;-)
Vill svo til að þetta er mynd af líkamsræktarstöðinni minni, hún getur ekki verið nær húsinu mínu og ég er frekar löt að fara. Held að þetta kallist hámark letinnar!

Subway

2006-02-26T21:57:00.000Z

Er í 5 mín fríi til að heilsa uppá ykkur elskurnar mínar.
Olimpíuleikarnir nýbúnir og 2 vikur gjörsamlega flugu hjá, er búin að sitja fyrir framan imbann þessar 2 vikur að horfa á leikana meðan ég læri, hef aldrei horft svona mikið á ólimpíuleika áður enda sýnt frá þeim allann daginn hér.
Hef ekkert gert annað en að horfa á imbann og læra þessar 2 vikur. Fékk nett stress kast um daginn og mætti ekki í skólann í 2 daga! Þegar ég kom síðan í skólann kom kennarinn minn að mér og sagði mér nú að reyna að slaka á og ég þyrfti nú ekki að stressa mig svona mikið. Uhummmmm.....sagði ég við hann, gat ekki sagt annað því það er hann sem er búinn að vera að rakka mann niður síðustu 3 vikur þannig að maður getur ekki annað en liðið eins og særðum hundsrakka!
Já get ekki beðið eftir að ég losni frá honum, sem verður þann 10. mars :-)
Annars annað sem ég hef að segja er að seinustu helgi varð Jón Arnór bikarmeistari með liði sínu Carpisa Napoli fyrir þá sem ekki vita, ég bara varð að horfa á leikinn þannig að ég hringdi á einn bar og spurði hvort þeir sýndu leikinn, fékk svar nokkru seinna að þeir gætu nú allveg sýnt hann fyrir mig. Þannig að ég fékk mínu framgengt og allir á barnum þetta kvöldið voru farnir að halda með Napoli! Örugglega í fyrsta og seinasta skipti sem mílanóbúar halda mér Napoli!
Var að komast að því í fyrradag að það er Subway hérna í mílanó eða rétt fyrir utan, sá eini sem er ekki á bandarískri herstöð hérna á ítalíu, þvílík gleði.....er þegar búin að ákveða subway-dag í vikunni.
Jæja 5 mín búnar...........bæææjó

Klukk

2006-02-20T23:23:00.000Z

4 störf sem ég hef unnið um ævina :
1. Bláa Lónið
2. Braut
3. Hótel Reynihlíð á mývatni
4. Og auðvitað Loðnan, money money$$

4 bíómyndir sem ég gæti horft á aftur og aftur:
1. Finding Forrester
2. Pretty Woman
3. Dirty Dancing
4. Lífin, Nýtt- Dala og Löggu, og svo Heilsubælið

4 staðir sem ég hef búið á:
1.Grindavik home sweet home
2.Mývatn eitt sumar (´96)
3.Oxaca, mexico ('99-2000)
4.Og auðvitað Mílanó núna

4 sjónvarpsþættir sem mér líkar:
1. Friends
2. Lost
3. 24
4. Greys anatomy - uppáhaldið

4 síður sem ég skoða daglega fyrir utan blogg:
1. mbl.is
2. visir.is
3. google veit ekki hvort það telst en..
4. milanotonight.it

4 staðir sem ég hef heimsótt í fríum: svo einhvað sé nefnt
1.Kempervenen-Holland
2.Benidorm-Spánn
3.Santorini-Grikkland
4.Orlando-USA

4 matarkyns sem ég held uppá:
1.Pasta - LOVE and HATE relationship!
2.Hamborgarahryggur mömmu
3.íslenskur fiskur í hverju sem er,eldaður hvernig sem er!
4.Vorrúllur eða Forúsrúllur eins og ég kalla þær

4 staðir sem ég vildi heldur vera á núna:
1. Einhver staðar þar sem tærnar á manni frjósa ekki í hel, strönd helst!
2. Heima
3. Tunglinu
4. Oaxaca,Mexico

4 manneskjur sem ég ætla að klukka

Hummm........held að þetta sé nokkurnveginn búið að ganga hringinn þannig að ég ætla bara að vera góð og klukka engann

Playa del carmen

2006-02-18T00:53:00.000Z

Þessi mynd fylgir með færslunni á undan

Hver er með?

2006-02-18T00:44:00.000Z

Hver á pening og langar í MEGA sumarfrí? Kíkið inn á þetta og réttið svo upp hönd sem langar með mér, ekki það að ég eigi penge$$ en shit með það þegar ég sá þetta:

----------------

2006-02-13T21:00:00.000Z

Úfffff.........ekkert að frétta.
Horfi á ólimpíuleikana allann daginn ásamt því að læra ekkert annað að ske þannig að mun ekki hafa þessa færslu lengri

Mílanóbúinn out...

The spring has arrived

2006-02-10T15:13:00.000Z

Já vorið er sko komið eða allavega tel ég að svo sé. Tréin fyrir framan gluggan hjá mér eru nakin greyið og sólin skín skært á mílanóbúann þessa dagana. Já......vorið er komið..........

Búin að skila öðru verkefninu af fjórum þetta árið og andvökunæturnar búnar í bili. Það er svo mikið búið að gerast þessa dagana að ég er að setja inn myndir og það segir mest alla söguna af því hvað er búið að ganga á í janúar, þannig að orðin verða fá.

Helgin að ganga í garð og ólimpíuleikarnir að hefjast kl 20 í kvöld og ætlum við að taka okkur smá frí frá lærdómi og horfa á opnunarhátíðina saman hérna heima.

Farið nú að skoða myndirnar nenni ekki að skrifa meira í bili, ciao ciao!

Prófin búin

2006-02-05T14:51:00.000Z

Þetta er ástæða bloggleysis síðustu 2 vikur ég held að orð séu óþörf!

Uppskriftir

2006-01-18T15:34:00.000Z

Kæru vinir var að leita af uppskriftum fyrir afmælið mitt og rakst á þessa líka skondnu uppskrift á uppskriftarvefnum.

Eftirlæti piparsveinsins
Einfalt, gott, hollt(?) og fljótt, og ódýrt

1 stk eldavél
1 stk panna (meðalstór)
1 slatti smjör/matarolía
2 brauðsneiðar
1/4 lítri kjötfars
krydd eftir smekk
1 stk smekkur

Kveikið á eldavélinni, pönnuna á heitu helluna, smjörið á heitu pönnuna,
kjötfarsið á brauðsneiðarnar (báðum megin, brauðsneiðarnar á heita smjörið,
sem er á heitu pönnunni, sem er á heitu eldavélinni, steikið í 2-3 mín
(ég gleymdi 1 stk. klukka), snúið, étið (með t.d. svona jukk-salati, sem fæst í
búðum í plastboxum).

Verði ykkur að góðu

Gleðilegt nýtt ár allir

2006-01-12T22:02:00.000Z

Já nýja árið byrjar á fullu og ég komin út aftur, eyddi fyrstu 8 dögunum á fróninu og flaug svo út aftur. Mikið búið að ganga á þessa fyrstu daga hérna, skólinn á fullu og allt það en hvernig væri annars ferðalag Rósunnar án hrakfallasagna?!
Já það mundi kannski verða svona eins og hjá venjulegu fólki en ég telst víst ekki til venjulegs fólks þannig að ég held að það sé kominn tími til að sætta sig við það.
Í stuttu útgáfunni gerðist þetta:
Rósan komst á áfangastað en ekki kæra taskan hennar, hún ákvað að skoða sig smá um í London! var ekkert að flýta sér til eigandans, kom 3 dögum seinna og greyinu var örugglega nauðgað og misþyrmt á leiðinni, er allveg ónýt eftir þessa skoðunarferð og ferðast aldrei meir.

Er að skreppa til Köben á laugardaginn á árshátíðina hjá Lóninu og það verður sko bara handfarangur tekinn með í þá ferð, það er á hreinu!

Black eyed peas

2005-12-05T15:53:00.000Z

Æi var búin að skrifa helling og svo datt tölvunni í hug að slökkva á sér þannig að þið fáið bara að vita þetta allt eftir tónleikana í kvöld, já er að fara á black eyed peas í kvöld með íslendingunum og verð að fara að gera mig klára.

See ya!

Einhvað sem strákarnir þurfa að vita

2005-12-04T10:56:00.000Z

Orð sem konur nota !!!!!!!!!!!!

Allt í lagi:
Þetta notar kona gegn varnarlausum karlinum til að enda rifrildi þegar henni finnst hún hafa rétt fyrir sér. Aldrei aldrei segja allt í lagi, þegar hún spyr þig um hvernig þér finnst nýji toppurinn sem hún var að kaup. Það er upphaf af nýju allt í lagi rifrildi.

Fimm mín:
Þetta er hálftími. Líkt og þegar konan spyr hann í miðjum fótbolta leik hvort hann sé ekki til í að fara út með ruslið, og hann segir jú eftir 5. Jöfn skipti.

Ekkert:
Þetta þýðir pottþétt eitthvað. Ekkert er aldrei bara ekkert. Ekkert er yfirleitt upphafið af rifrildi sem endist í 5 mínútur og endar með allt í lagi.

Já gerðu það bara:
(augabrúnirnar lyftast) Þetta er ekki gott. Þarna er verið að mana þig út í að gera það sem þér datt í hug, en þú veist að það er engin glóra í því. Þarn á undan heyrðir þú líklega þessi orð, 5 mínutur, allt í lagi og Ekkert. Boðar ekki gott.

Já Gerðu það bara:
(augabrúnirnar eðlilegar),: Þetta þýðir ég gefst upp. Gerðu það sem þú villt því mér er alveg sama. En það er þá sem þetta er farið að virka erfitt fyrir okkur, henni er bara alveg sama.

Hátt andvarp:
Þetta er ekki orð, en þetta ætti að vera bannað. Karlar isskilja andvarpið full mikið. Hátt andvarp þýðir, að hún hugsar til þín eins og asna. Og er að velta því fyrir sér afhverju í ósköpunum hún er að eyða tímanum í að rífast við þig út af engu.

Lágt andvarp:
Aftur, þetta er ekki orð. Þegar lágt andvarp á sér stað, þá er það vegna þess að hún er tilbúin til að sætta sig við hlutina. Þess vegna er þér hollast að anda ekki, ekki hreifa þig, og þá áttu mögleika á því að hún haldi áfram að vera sátt.

Allt í lagi, þú þarft ekki að segja fyrigefðu:
Þetta er stórhættulegt. Þarna er hún að meina að hún ætlar að taka sér góðan tíma í að hugsa hefndina. Allt sem endar svona að hún er í þykjustunni sátt, er bara ekki rétt.

Gerðu það bara:
í náinni framtíð á þú eftir að koma þér í stórkosleg vandræði.

Takk:
kona að þakka þér,, ekki láta líða yfir þig, segðu bara ekkert að þakka.

Takk kærlega fyrir:
er allt annað en takk. Takk kærlega fyrir kemur þegar þú hefur stuðað hana verulega með misgáfulegum hlutum sem þú annað hvort hefur sagt eða gert. Það kemur til með að heyrast hátt andvarp og þá, ekki segja hvað er að, því þá kemur svarið sem karlar geta ekki “Ekkert” og þá fer boltinn aftur í gang. Þú veist 5 mín, bara, ekkert og andvörpin háu og lágu og Ýmislegt annað sem við þurfum bara að ganga í gegnum.

Ég er loksins komin í tísku

2005-12-03T15:12:00.000Z

Var að lesa moggann í morgun og fann þessa grein sem mér líkar svona líka mjög vel við, þarf greinilega ekki að hafa mikið fyrir því að tolla í tískunni í vetur :-)
Armani tískan ræður ríkjum í vetur!!!

Svarti galdur
Svart er í tísku. Ekki bara svart heldur svart í svart. Lög af svörtu; svört föt, svartir skór, svartir skartgripir og aukahlutir. Í vetur er svart líka rómantískt. Efnin eru fljúgandi sjiffon, kósý kasmír, þvegið flauel, pelsar, glitrandi steinar og fallegar blúndur.

Svarti galdurinn er hinn klassíski "litli svarti kjóll". Hann er hægt að nota sem grunn við öll tækifæri, með gallabuxum, háum stígvélum, prjónapeysu og svartri tvíhnepptri ullarkápu eða með pinnahælum, svörtum skartgripum, litlum pels og svartri glitrandi tösku. Blandið öllu saman og allt er leyfilegt, það er bara eitt skilyrði, svart í svart!

Einsleitt!

Það sem sjá má á síðum tískutímarita í förðun er matt og dramatískt. Sansering og glimmer hefur fengið að víkja í bili. Djúpir varalitir og girnilegar varir ráða ríkjum og eru aðalatriðið. Lýtalaus húð með möttum eða náttúrulegum gljáa og hún fær að njóta sín. Brúnir mattir tónar renna saman og gefa rómantískan blæ og skerpa og ýkja vel alla náttúrulega skugga. Nota vel af farða en vinna hann vel með fingrum. Púðra yfir en ekki of mikið. Bara rétt til að "setja" farðann þannig að hann hreyfist ekki. Skyggja vel með sólarpúðri undir kinnbein og aðeins á enni, nef og höku. Nota ca. 3 tóna af augnskugga, byrja á húðlituðum og svo tvo brúntóna liti, í sitt hvorum styrkleika. Nota skal matta liti. Mikið af maskara til að gefa dramatískan blæ. Skerpa augabrúnir ef þarf en hafa þær náttúrulegar. Klára þetta með möttum varalit í blábleiktóna lit sem líkist eigin varalit og velja blýant í sama tóni. Til að gera þetta meira glam má skella glossi yfir augnlok. Heildaryfirbragð er glæsilegt og dramatískt. Einfalt og sterkt.

Búin

2005-12-01T15:26:00.000Z

Skilin/kynningin búin, allt gekk svakalega vel og við erum mjög ánægð með okkar vinnu og búumst ekki við neinu öðru en 10! Jæja já allt í lagi, það væri allavega svaka fínt að fá 10 eftir alla þessa vinnu.
Er farin að sofa! Góða nótt!.....zzzzzzzzzzzzzzzzzzzzzz

..................matur!

2005-11-30T19:42:00.000Z

Vá það er verið að elda fyrir mig, sit við eldhúsborðið og bíð spennt eftir matnum, það er ekki oft sem að karlmaður eldar ofaní mann!!!.................

Notte Bianca

2005-11-29T18:34:00.000Z

Er að safna koffeini í líkamann á mér fyrir átökin framundan, kók í hægri og grænt te í vinstri. Notte bianca framundan eins og ítalarnir kalla hana, þ.e nótt án svefns!
Prófið á fimmtudaginn og allt á fullu, verðum að fara að prenta á morgun þannig að það er bara nóttin eftir.
Það er sem sagt lítið að frétta, alltaf það sama: hækja, frost og snjókoma, næringarlítill matur, ekkert bootcamp eða hreyfing yfir höfuð, frosnar tær, herbergið í rúst, dvergurinn ennþá í skólanum, ekkert skemmtanalíf, enginn kærasti......

hvar er pulsa og kók þegar maður þarf á því að halda..................!

Fyrsti snjórinn

2005-11-26T10:37:00.000Z

Já fyrsti snjórinn kom í gær og mér sýnist hann nú ekkert ætla að fara.
Sit við matarborðið að borða köku sem mér var færð um daginn meðan kyngir niður úti.
Ég hef voðalega lítið að segja núna, er á fullu að læra fyrir skil á fimmtudaginn næsta. Herbergið mitt er opinberlega orðið að verkstæði hópsins míns, það sem ekki má finna þar inni.....
nýjasta módelið bættist í hópinn í gær og er það einn meter að hæð!!!!!
það má segja að ég deili herbergi með dverg núna!

hummmmmmmmmm...........já.............
hvað á maður að segja þegar maður hefur ekkert að segja?
hummm.....jú ég er komin á eina hækju! jibbí! það er ekki búinn að vera skóli síðustu 2 daga þannig að fjórfættlingurinn er ekkert búinn að vera að hætta sér út í fólksfjöldann, ja......fyrir utan í fyrradag, stelpur ég datt "óvart" "ræsk" inn í H&M og vá! haustlínan er geggjuð! ég fór út með fullan poka af fötum og skarti!!!
Þó að ég hafi keypt fullan poka þá get ég ekki sagt að ég hafi eytt miklu.
!!!H&M stelpur, H&M!!!
jæja fólk, ég er farin að klæða mig, er farin að taka myndir af gólfum, já gólfum í búðum,hótelum,bönkum. Og ekki bara venjulegum gólfum, heldur marmara og graníti.
Það finnst auðvitað ekki nema í flottustu búðunum og hótelum.
Yes mr. Armani can I take a photo of your floor?!!
Ég ætti kannski að fara að æfa þessa línu fyrir framan spegilinn áður en ég fer.

Hækjan kveður

óþægilegar staðreyndir

2005-11-23T19:32:00.000Z

Sumt er betra að vita ekki........

12 hlutir sem þú vildir ekki vita:

1) Eftir eins tíma sundferð hefur þú komist í snertingu við hálfan lítra af þvagi.

2) Á meðaldegi kemst þú í óbeina snertingu við 15 tippi, t.d. við að taka í hurðarhúna.

3) Árleg neysla meðalmanneskju á skyndibitamat inniheldur 12 kynfærahár.

4) Á einu ári gleypir þú 14 skordýr í svefni.

5) Á einu ári heilsar þú með handabandi 11 konum sem hafa nýlega "snert sig" og gleymt að þvo sér um hendurnar.

6) Á einu ári heilsar þú með handabandi 6 körlum sem hafa nýlega "snert sig" og gleymt að þvo sér um hendurnar.

7) Flestir karlmenn þvo alls ekkert á sér hendurnar eftir að hafa verið á klósettinu. Veltu því fyrir þér næst þegar þú ert á barnum og færð þér hnetur úr skálinni á barborðinu.

8) Í meðalbrúðkaupi hefur þú hundrað möguleika á að smitast af frunsu frá einum gestanna.

9) Þú andar daglega að þér hálfum lítra af endaþarmsgasi frá öðrum.

10) Tannlæknar telja að tannburstar verði að vera í a.m.k. tveggja metra fjarlægð frá klósettskálinni til að sýklar í loftinu frá skálinni festist ekki á burstunum.

11) Þú eyðir sex mánuðum lífs þíns á klósettinu.

12) Ef þú nagar neglurnar innbyrðirðu meira magn sýkla en ef þú sleiktir hreina klósettskál.

Myndir

2005-11-23T17:07:00.000Z

eyjamyndir komnar!
summer photos guys!!!!

Spaces

2005-11-23T15:08:00.000Z

Veit ekki allveg hvað er í gangi með msn spaces, get bara hreinlega ekki commentað þar, ekki á neinu þeirra og ekki einu sinni lesið commentin.
Þið sem eruð með spaces sorry að ég commenta ekki en les alltaf á hverjum degi.
Matta afhverju ertu hætt? Það er fínt að fá smá fréttir af skvísunni þó að það sé nú bara einu sinni í viku! Og MYNDIRNAR! ekki ertu hætt að setja þær inn líka? Þú mátt ekki bregðast mér ha!
Og rósa mín gaman að fá að fylgjast með þér, sorry að geta ekki commentað.

Ef einhver veit hvað er í gangi eða hefur lent í þessu sama, endilega að láta mig vita.

Veruleikinn að renna upp

2005-11-23T13:10:00.000Z

Já mílanóborg er sko ekki gerð fyir fatlað fólk það er sko á hreinu!
Síðustu 2 dagar í lífi mín eru búnir að vera hreint.......já segi ekki meira.
Búin að vera að hoppa á hækjunum um alla borg, þó samt bara til að fara í skólan og búið!
Göturnar eru svo mis háar og leiðinlegar, fólk að flýta sér svo mikið að það liggur við að það sé öskrað á mann að drífa sig! !ég er að drífa mig vitleisingjarnir ykkar!
Mér var næstum hrint úr Tramminum(sporvagninum) í gær út af því að það var kona sem var að flýta sér svo mikið uppí að hún ákvað að taka fram úr mér í tröppunum! ég missti auvitað jafnvægið við olnboga skotið sem hún gaf mér og datt aftur fyrir mig, sem betur fer var maður sem brást snöggt við og greip í úlpuna mína og togaði mig upp! Ég hefði ekki viljað vita afganginn ef hann hefði ekki komið mér til bjargar.
Svo eina sem kellingartruntan gat komið upp úr sér var eitt ömurlegt Sorry!
ARRRRRGG!
Ég verð nú samt að segja að ég á yndislega vini í þessari kaldlyndu borg og þeir eru búnir að halda í mér vitinu þessa seinustu daga, fara með mig á spítalann og bíða þar í 2 tíma, keyra mig heim úr skólanum, sækja mig meira að segja upp að dyrum!
Hvar væri ég án þeirra.

Svo er veruleikinn að renna upp fyrir mér núna loksins og að síast inn.

- Ekkert bootcamp í 2 víkur....Algjör bömmer!
- Ekkert rölt í bænum
- Ekkert fit box í örugglega 3 vikur
- Ekkert bað í 2 vikur
- Engin skíðaferð sem plönuð var í byrjun des
- Engir skautar á nýja skautasvellinu
- Ekkert djamm

úffffff.............

Þetta þýðir bara meiri lærdómur, blogg og prjón, sem er kannski ekkert svo slæmt.

Hækjan kveður í bili

Tognun

2005-11-20T22:40:00.000Z

Óheppnin ákvað að banka að dyrum hjá mér í dag eftir allnokkra fjarveru.
Dagurinn byrjaði vel, sól og blýða og mín var komin út í sunnudags blíðuna fyrir hádegi.
Og svo..................hrundi allt!
og það má segja bókstaflega HRUNDI ALLT því viti menn, mín steig út úr bílnum á leið inn á stað til að fara fá sér smá sunday brunch með vinunum og grjörsamlega hrundi í jörðina!
Missteig mig svona líka svakalega og veltist þarna um í drulluskítugri götunni æpandi af kvölum þangað til vinur minn kom og kippti mér upp úr götunni og inn í bíl. Með þrjár gamlar kellingar sem urðu sjónarvottar af þessu og vin min sat ég þarna inn í bíl og það átti sko að fara með mig beint á bráðavaktina, en nei nei mín tók það sko ekki í mál! Fyrst átti að fara að fá sér brunch og svo skildi sjá til eftir það, og það var gert. Ég drullu skíðug á annari hliðinni með ís á ökklanum inni á huggulegum veitingastað!
Núna sit ég sem sagt heima á hækjum með vafning upp á hné sem ég má ekki taka af mér fyrr en eftir 2 vikur, Great!!

Komin undan feldinum

2005-11-18T19:45:00.000Z

Jæja sumarfríið búið og ágætt að fara að blogga aftur og fannst nokkuð gott að byrja á þessu, minnir mann kannski svolítið á sumarið og minnir mann á það í leiðinni hvað maður á ekki að gera í vetur!

þú tókst soldið illa á því um helgina....

það er komin tími til að fara koma sér heim af djamminu þegar .... (stelpur)

- þú hefur algjörlega enga hugmynd um hvar skórnir þínir eru
- þú varðst að fá einhvern inni á klósetti til að koma og hjálpa þér að tosa upp buxurnar og hjálpa þér af setunni
- þig langar alltíeinu rosalega til að lemja einhvern
- síðast þegar þu þuftri á klóið sástu að þú leyst meir út eins og einhver úr hryllingsbúðinni frekar en gyðjan sem þú varst fyrir nokkrum klukkustundum síðan
- þú misstir klukkan er 5.00 nú á að fara heim hlöllann þinn í gólfið... þu tekur hann upp aftur og heldur áfram að borða
- þú ferð að gráta
- það eru minna en þrír klukkutímar í það að þú átt að vera mætt í vinnu
- þú fannst dýpri hliðina á fyrirtækislúðanum
- maður sem þú ert að daðra við... á fullu. var kennarinn þinn í fimmta bekk
- þörfin fyrir að byrja týna af þér fötin, klifra uppá borð og syngja er orðin furðulega yfirþyrmandi
- þú ert búin að gleyma hvar þú átt heima
- þú ert komin með dimma vískírödd af öllum sígarettunum sem
- þú hefur reykt í kvöld af því (eins og þú ert búin að segja 20 sinnum) þú reykir bara á fyllerium.
- þú öskrar á barþjónnin af því þú sakanr hann um að hafa gefið þér hreint gos í glasið, en það er bara af því þú finnur ekki lengur bragðið af vodkanu eða gininu
- þú heldur að þú sért komin í rúmið en koddinn þinn minnir furðulega mikið á pizzu
- þú byrjar öll samtöl með “ ekki taka þetta illa upp en....
- þu fattar ekki að klósetlokið er niðri þegar þú sest á það
faðmlögin þín og knús fer helst að minna glímuleik með tosum niður andstæðingin taktík
- þú ert svo þreytt að þú vilt bara setja beint á stéttina, ( og hví ekki!)
- þú sýnir vinum að stelpur geta alveg pissað standandi ef þeim virkilega langar
- þú byrjar að kela við menn frá miðausturlöndum á miðju dansgólfi

Ný skoðanakönnun

2005-06-24T12:33:00.000Z

"I got the hint" í seinustu skoðanakönnun!!
En núna er komin önnur skoðanakönnnun og endilega segið ykkar skoðun.

Fljúgandi naut!

2005-06-24T11:24:00.000Z

Er búin að flatmaga í sundlauginni síðan ég missti af vélinni enda ekkert annað hægt í þessum hita hérna, hitinn er um 36°c í forsælu- er að bráðna.
Bekkurinn fór upp á como vatnið í gærkvöldi og fórum út að borða þar, rosa gaman og svaka flottur staður enda como paradís norður ítalíu, og er ég viss um að george clooney og brad pitt séu sammála mér enda eiga þeir svaka villur þarna í nágrenninu.
Fékk svo að vita það í gær hvað flutningabíllinn sem valt um daginn var að flytja.
Svo vildi til að flutningabíllinn frægi var að flytja naut og þegar hann valt fóru nautin auðvitað út um allan veg, veit ekki allveg hvort einhver naut hafi dáið en allavega var hraðbrautin flull af brjáluðum og ringluðum nautum!!
Þannig að núna skil ég hvers vegna biðin var svona svakalega löng, því ekki þurfti bara að hreinsa upp flakið af bílunum heldur hefur líka örrugglega þurft að fá einhverja "spagnolo" nautasmalara í lið með lögreglunni til að smala saman þessum flykkjum!
Vona að þetta hafi ekki farið fyrir hjartað á dýravinum.

jæja ætla að skreppa niður í bæ og fara að röllta með Demu, erum að fara í window shopping :-)
Treystum okkur reyndar ekki út fyrr en um fjögur leytið því þá verður vonandi orðið aðeins svalara úti.

Missti af fluginu

2005-06-22T19:17:00.000Z

Já eins og ég segi svo oft, alltaf kemur þetta fyrir mig!
Vaknaði fyrir allar aldir í nótt til að taka rútuna upp á flugvöll kl 7.00 og átti flug kl 10.05 þannig að ég lagði mjög snemma af stað til að vera komin snemma en neehei! Það valt flutningabíll á hraðbrautinni og stoppaði ALLA umferð í nokkra klukkutíma, þannig að það tók mína 3 tíma að komast upp á flugvöll sem tekur venjulega bara 45 mín í mesta lagi.
Kom 1/2 tíma fyrir flugið mitt og það var þegar búið að loka tékkinn-inu, súrt að vera hinu megin við vegginn og sjá flugið sitt fara.
Þá tók við endalaus bið og leiðindi eftir að fá nýtt flug ásamt þúsundum af öðru fólki sem missti auvitað líka af fluginu sínu, held að um 10 flugvélar hafi farið hálftómar í loftið ef ekki meira.
Já sem sagt biðröðin til að fá miða var svakaleg og svo líka fólk endalaust lengi því það var allt orðið uppselt og verið að reyna finna lausnir fyrir fólkið að komast á áfangastað.
Verð að koma því að að flugvöllurinn er á stærð við reykjavíkur flugvöll sinnum 2, þannig að þið getið ímyndað ykkur ástandið, fólk öskrandi,grenjandi, hótandi að kalla á lögguna og hvað eina. Mín náttúrulega pollróleg eins og alltaf, en auðvitað frekar súr og ráðavillt, beið í 4 tíma til að láta breyta fluginu mínu og endaði með því að ég kemst heim á laugardagskvöld takk fyrir!!!
Bitin, klóruð og með sprungna hljóðhimnu röllti ég út í rútu og heimtaði að ég fengi frítt far sem og ég fékk án nokkura leiðinda, aftur á leiðinni heim. Kom heim og var varla löggst á koddann þegar ég rotaðist enda uppgefin eftir allt þetta vesen!
Nú hef ég 3 daga til þess að gera ekki neitt en kannski að maður leggist bara í sólbað því held að það sé ekkert annað hægt þar sem ekki er verandi í fötum vegna hitans hérna.
Fer að kaupa mér sundhettu svo ég geti farið í sund á morgun og flatmagað þar( það þarf að hafa sundhettu sko ef þú ætlar jafnvel bara að dýfa stóru tánni ofaní laugina!!) Ítalir!!

kveð úr stæjunni hérna og sé ykkur þá vonandi á sunnudaginn ef allt fer að óskum!

Seinasta færsla í bili frá mílanó

2005-06-21T07:40:00.000Z

jæja komin heim af ströndinni og vöknuð snemma til að pakka niður og ganga frá öllu hérna í íbúðinni. Vá trúi því eiginlega ekki að ég sé að koma heim á morgun, þetta er búið að vera svo fljótt að líða, annað árið flogið!
jæja ætla ekki að vera að tauta einhvað hérna hef nóg annað að gera, þarf að útrétta og svoleiðis líka.
Sé ykkur eftir smá!!

à strondinni!

2005-06-18T19:40:00.000Z

jà èg er komin i fri i nokkra daga àdur en ad koma heim en heimkoma er àaetlud tann 22 juni. skellti mer til lido di jesolo sem er rett hja feneyjum og verd tar tangad til a manudag. solbad og algjort relax i gangi tessa dagana og er algjorlega ad njota tess i botn, vona ad tid hafid skemmt ykkur vel a 17anum!!
kvedja fra lido
p.s hotelid sem eg er a er svona allt i lagi hotel nema hvad ad eg get pissad og verid i sturtu a sama tima! badid er svo oggulitid ad eg hef aldrei sed annad eins, veit ekki hvort eg a ad hlaegja eda pirra mig, eftir 2 daga samt er tetta nu ordid bara ansi skondid :-)

Lokaprófið

2005-06-14T23:50:00.000Z

Lokaprófið á morgun fyrir aðstoðar innanhússarkitekt!
samtals 8 tíma próf þar sem ég þarf að gera verkefni í höndunum.
allir að hugsa til mín og senda góða strauma :-)

Hvurslags ansk......hiti!

2005-05-29T15:31:00.000Z

Hversu mikinn hita á maður að þurfa að þola í VOR mánuðinum maí, já ég segi vormánuði því það á eiginlega ekkert að vera kominn svona mikill hiti, það er ennþá bara vor!
Allavega þá er fólk allveg að bráðna hérna og það er heitast hér í norður ítalíu og fólk er að flýja á strendurnar því það er kaldara þar! já end við í botninum á pottinum hérna í mílanódalnum, 32°c úti núna og svo þarf að taka með rakann og þá er þetta komið í 36-7°c. Þetta er bara alltof heitt.
Sem betur fer er þetta bara einhver hitabylgja sem er að ganga yfir á næstu dögum, hjúkk!
Þið heima blótið mér örugglega og segið "hvað er hún að kvarta, við föst í kuldanum hérna heima meðan hún er í hlýjunni" já það þarf nefnilega að taka með í reikninginn að ég er búin að sitja heima síðustu daga og reyna að læra undir prófin sem klárast þann 1.júní, þannig að hér sit ég með viftuna á fullu, ljósin kveikt því ég þarf að hafa dregið fyrir hlerann á glugganum annars væri ennþá heitara hérna inni, á naríunum og haldara með rennisveitta lófa að reyna að klára verkefnin og þrjár 1.5L tómar vatnsflöskur og opna kók.
Get bara ekki beðið eftir föstudeginum, þá verður sko farið með teppið sitt og bók út í garð og legið þar þangað til að það þarf að skrapa mig upp með spaða!
p.s er með aukavinnu handa áhugasömum í leit að extra tekjulind í nokkurn tíma, vinnan krefst góðra og kraftmikilla lungna, eða vængblæjar reynslu og kraftmikilla handa! þeir sem hafa áhuga mætið á via g. govone 70, annari hæð til hægri sem fyrst!
mín kveður úr stækjunni

Sorg í mílanóborg

2005-05-25T12:05:00.000Z

Lýst hefur verið yfir sorg í mílanó eftir að við töpuðum fyrir Púlörunum í Meistaradeildinni núna fyrir skömmu, hef eiginlega ekkert annað um málið að segja, hvað er hægt að segja svo sem. Bömmer!
Rósa out!

Logandi hræðsla

2005-05-23T00:47:00.000Z

úff ég er svo hrædd að ég titra, kl er 12 á hádegi og þar eru þrumur og eldingar veður úti, ég hef nú lent í mörgum þrumuveðrum víða í heiminum en aldrei svona.
Áðan kom þruma og það víbraði allt og hélt að það gæti ekki komið kraftmeiri þruma en nei! eftir það kom svona líka svaka bomba og það var svo mikil sprenging að þjófavarnarbúnaður í bílum hérna fyrir utan fóru í gang og hlutir færðust úr stað.
Ég þarf að fara í skólann á eftir, er eiginlega ekki að þora út í þetta, er búin að draga hlerana fyrir og sit hérna við skrifborðið með týru ljósið mitt.
Rósa Þruma out.

Auglýsing

2005-05-20T18:14:00.000Z

Auglýsing sem ég setti á sine.is, hendi henni líka hérna inn.

Ítalía
Mílanó - Herbergi til leigu í mílanó frá og með 1.júlí 2005.
Er að leita að einhverjum til að deila með mér íbúð sem ég leigji núna. Íbúðin er um 80 fm að stærð með 2 svefnherbergjum, baði og stóru eldhúsi/stofu. Möguleiki er á leigu í a.m.k. 1 ár. Hafið samband í gegnum mailið: rosadog9@yahoo.com

Allt að gerast

2005-05-19T19:24:00.000Z

Vúhúúú!
Myndasíðan komin í gang, kíkið á.
Berlínarmyndir

Hjálp, myndir

2005-05-18T22:16:00.000Z

Kann einhver á yahoo photos, því ég er búin að búa til myndasíðu og með fullt af myndum inn á henni en svo þegar ég klikka á hana þá virðist eins og það séu engar myndir inn á henni og ég er margbúin að tékka hvort ég sé ekki öruggglega með hana opna þannig að allir geta séð, þarf ekki leyniorð. Skil ekkert í þessu.
Ætla að fara að fá mér bara fotki eins og mér sýnist að allir eru með, en gef þessu nokkra daga í viðbót ef einhver kann einhver ráð.

1 mánuður í heimkomu, örugglega akkúrat

2005-05-18T22:13:00.000Z

Ástæður þessa bloggleysis er að hálfu leiti leti og að hálfu leiti tímaleysi. Letin er vonandi gengin úr garði en tímaleysið er stig vaxandi. Svo skrapp ég til Berlínar í 5 daga og mamma og pabbi komu í viku þannig að þeir dagar teljast ekki með.
En þetta er að gerast hjá mér næsta mánuðinn svo þið heima og um allan heim vitið hvað er að gerast þangað til ég kem heim.
Enginn svefn þangað til 25.maí því þá eru lokaskil á verkefninu mínu og við vorum að fá að vita það í dag að það er eftir eina viku en ekki 2 eins og við héldum, Shit!!!
Undantekning verður gerð lau. 21.maí því þá er eurovision, og við erum búin að fá einn pöbb til að sýna hana fyrir okkur íslendingana hér, það bara má ekki vanta eurovision sama hvaða skít maður er í. Geri fastlega ráð fyrir því að ísland komist í aðalkeppnina þannig að ég ætla að gerast löglegur skrópari í undankeppnina sem verður líka sýnd.
Bora í nefið frá 25.maí til 31.maí því öll skilin verða innan við 25.maí og sjálf skólaprófin eru 31. maí þannig að ég veit eiginlega ekki allveg hvað við eigum að gera þann dag.?
Svo fer ég í hálfgert frí í júní, kíki hausnum inn í skólann svona af og til en mest erum við að vinna í möppunni okkar. Kíki á ströndina, djamma og SEF.
10 – 13. júní fæ ég gesti, víííííí! Matt frá englandi og Nathalie frá belgíu sem voru með mér í mexicó koma og heimsækja mig . Þá verður ennþá meiri fiesta!!!
Lokasýning skólans verður þann 13. júní og þá verður svaka Fiesta!
15- 17. júní verða síðan Héraðsprófin ( The BIG exams!!!)
Þar sem ég þarf að gera verkefni í höndunum og ég hef 8 tíma til þess að ljúka því, svo verða munnleg próf. Þetta þarf ég að standast til að verða aðstoðar innanhúss arkitekt og til að komast á 3 ár.
Svo er það bara heimferðin sem er plönuð helgina 18-19. júní.
Thats it!

Lélegust

2005-04-16T20:09:00.000Z

Djöfu..........er ég léleg. Það er allt að fara til himna hjá mér, fyrst hann Tommi "slúbbert" skjaldbaka og svo er síðan mín að fara sömu leið. Þetta gengur ekki verð að taka í taumana áður en stórslys gerist.
Kem með pistil á morgun og læt fylga myndasíðu fyrir hana bryndísi mína.

2005-03-28T20:07:00.000Z

Uli ég og mami í frakklandi

Gleðilega páska!

2005-03-27T17:33:00.000Z

Hátíðin runnin í garð og ég sendi ykkur öllum bestu óskir um gleðilega páska héðan frá mílanó. Páskarnir mínir verða þó bara eins og hver annar dagur, er ekkert að halda upp á þetta finnst engin ástæða til svo sem, en keypti mér samt heilan kjúlla til þess að elda í kvöld, sjáum síðan til hvort ég nenni að elda hann bara handa mér einni! Fékk nú samt páskaegg þó kannski ekki það stærsta en það var svona pínulítið sem maður getur keypt 6 saman í pakka út í búð, en auðvitað frá Nóa kallinum!
Já voða lítið að gerast hérna í mílanóborg hjá mér þannig að ég kveð ykkur fallega fólk og óska ykkur enn og aftur gleðilegra páska!

Dánarfregnir dýrana

2005-03-21T22:59:00.000Z

Dánarstund: 20.mars 2005 kl. einhvern tímann um morguninn.
Tommi slúbbert er dáinn. Ekki er vitað um dánarorsök.
Það ríkir sorg á heimilinu.

Minningargrein
Tommi slúbbert fæddist í dýrabúðinni aquario, foreldrar hans voru herra skjaldbaka og frú skjaldbaka.
Tommi slúbbert var ákaflega spræk skjaldbaka þegar ég kynntist honum í fyrsta skipti og lék sér ætíð á ströndinni sinni eða tók sér lúr undir pálmatrjánum. Hann var herbergis félagi minn og sá til þess að ég lærði og hlýddi mér yfir og svo borðuðum við alltaf saman á hverju kvöldi, hverjum á ég nú að borða með þegar slúbbert er dáinn?
Seinustu daga lífs hans hætti hann skyndilega að borða og svaf orðið allan liðlangan daginn, ég vissi að einhvað var að þér greyið mitt en reyndi allt en allt kom fyrir ekki. Þú bara dóst!
guð geymi sálu þína Tommi slúbbert

Jarðarförin fer fram í kvöld, kl. 23.00 á klóstinu á via Generale Govone 70 milano.
Kransar afþakkaðir
Erfðardrykkja verður haldin eftir á í eldhúsinu á via Generale Govone 70 milano.

Fever!

2005-03-19T17:00:00.000Z

Sjæks! hitinn hérna.
Það eru 30° hiti úti og klukkan að verða fimm! fínt að hafa smá hita en þetta er kannski of um mikið á þessum árstíma og miðað við að fyrir 2 vikum var allt á kafi í snjó hérna og núna er ég úti á pilsi og hlýrabol að kafna úr hita, hummm einhvað ekki í lagi hérna, bíð bara eftir sumrinu ef þetta ætlar að halda áfram svona, það verður örugglega ekki farandi út!
Það var saumó hjá okkur íslensku stelpunum hérna í gær, voða flottar kræsingar í boði og flæðandi rauðvín, afmæli svo í kvöld!
ætla að fara að taka upp úr pokunum, var að versla held ég fyrir mánuðinn, komst varla með þetta heim! kallinn sem var að keyra strætóinn þurfti að bíða í um mínútu eftir að ég var búin að drösla innkaupa kerrunni minni inn í strætóinn og mínútu að drusla henni út aftur, greyið kallinn, heldur örugglega að íslendingar séu geggjaðir!

Komin aftur!

2005-03-15T22:32:00.000Z

já þetta er búið að vera ansi langt bloggstopp, verð að viðurkenna það. En já talvan mín bilaði, dó, gaf upp öndina viku fyrir próf og ég fór allveg í hnút, engin talva! ég sá þá hvað líf mitt snýst algjörlega í kringum þennan kassalaga hlut. Talvan komst sem betur fer í lag eftir að ég klóraði og beit frá mér, þess þurfti sko sannarlega!!
og ég gat klárað lokaprófin og gekk svaka vel 27 af 30 í meðaleinkun sem þýðir á íslenska skalanum 9,6 af 10, ekki slæmt en gæti samt betur, en kvarta ekki.
En svo deginum eftir að ég kom tölvunni í lag bilaði netið hjá okkur sambýlingunum og klærnar settar út aftur og tennurnar brýnaðar! Loks er netið komið svona þokkalega í lag eftir um mánaðar netleysi, þjónustan hérna á ítalíunni er ekki íslendingi til geðþokka.
Þannig að ég er komin aftur kæra fólk og þið megið búast við næstum daglegum færslum frá mér. Mynda innfærsla er á planinu hjá mér að læra og vonandi kemst sá þáttur í lag fljótlega.
Það er svo sem allt að bila hérna hjá okkur stöllunum, talvan, netið, þvottavélin í þessari röð.
Svo eftir að við reyndum að loka augunum fyrir ísjakanum sem var að safnast saman í ísskápnum okkar en laugardaginn var var það ekki hægt lengur þar sem hann tók orðið 1/3 af ísskápnum enda tók það okkur 3 tíma að bræða hann og brjóta hann niður, með hjálp hárþurrku, sporjárns og hamars.
Það er eiginlega ekki hægt að telja upp það sem er búið að ganga á á þessu black out tímabili því eiginlega man ég svo lítið af því núna, ég fór nú samt upp í fjöll til madonna di campiglio í endan febrúar til að hitta Rósu Ragg og fjölskyldu sem voru á skíðum þar. Var þar í 2 daga og hefði allveg getað verið lengur en gat ekki verið að skrópa í skólann. Það var allveg svakalegt stuð þarna uppfrá, skemmtum okkur svaka vel á skíðum stöllurnar þó ég geti allveg upplýst ykkur um það að skíðatæknin mín er algjörlega farin í vaskinn eftir 4 ára skíðaleysi. Var eins og versti ég veit ekki hvað! Fór meira að segja næstum út af fjallinu í fyrstu brekkuni, sá líf mitt fjara út á ógnarhraða, náði að henda mér í snjóinn 10 cm frá öriggisnetinu. Í þriðju beygjunni eða svo stefndi ég rakleitt á tré en guð forðaði mér frá nánum kynnum mínum við það tré enda alltof gamalt fyrir mig! ;-)
Eftir nokkra byrjunarörðuleika og mikla þolinmæði nöfnu minnar fór mín í einkakennslu daginn eftir og datt bara einu sinn þann daginn. En ég verð að nefna það að hún nafna mín ætti að fá orðu fyrir þolinmæði í minn garð þessa 2 daga! Húrra fyrir henni!
Þarf að fara að skella mér oftar á skíði og rifja upp gamla takta og þróa nýja í leiðinni.
Þakka Blómsturvöllum 7 kærlega fyrir mig!
Fyrir 1 og 1/2 viku var allt á kafi í snjó hérna í mílanó og víðar, hélt að ég ætlaði ekki að meika kuldan hérna og ég er íslendingur! Það var SVAKALEGA kalt!
Svo viku seinna var bara komið vor og ég úti á peysu! skil ekki þetta veðurfar, vona bara að þetta haldist svona.
Skjaldbakan er búin að fá endanlegt nafn og fékk hún nafnbótina Tommi. Til hamingju með nafnið Tommi skjaldbaka.
Ætla að fara að horfa á innlit útlit í beinni, bið að heilsa og vona að þið sem voruð fastagestir og aðrir hafið ekki gefist upp á þessari löngu bið.
Ciao Ciao

Afmæli

2005-01-21T21:10:00.000Z

Hún á afmæli í dag, hún á afmæli í dag, hún afmæli hún Rósa, hún á afmæli í dag!!!!
Já ég átti afmæli í gær og komst upp í 23ja ára aldurinn! Leiðinlegt samt að eiga afmæli þegar 1 vika er í skil á verkefni og allt á fullu og ekki einu sinn hægt að halda upp á það, fuss um svei.
Keypti samt smá bakarísbrauð og síðan var Sigga og Luca svo góð að koma með Kínverskan og sushi heim í kvöldmat, þannig að það var svona smá afmæli eftir allt og ég gerði meira að segja köku! Við vorum afvelta eftir allt þetta góðgæti, gátum ekki einu sinni vaskað upp! -leirtauið er ennþá í vaskinum!úps!
já......það er svaka mikið að gera núna hjá mér þannig að þess vegna skrifa ég lítið þessa dagana en næst vika verður eitt HELL!
Skjalbakan mín bara sefur og sefur, ég er farin að hafa áhyggjur af henni.....annað hvort líður henni svona svakalega vel eða hún er þunglynd!! já ekki gott að skera úr um það, vona að það sé nú fyrri kosturinn, nema bara að skjalbökur sofi svona mikið, það getur svo sem allveg verið, já svo var það um daginn að ég var í skólanum og það var hringt í mig og mér boðin ókeypis klipping í tilefni af afmælinu mínu! Humm...hvers konar servis er þetta hérna, ég þarf ekki orðið einu sinni að hringja og panta mér klippingu! Þvílíkur lúxus, já og ekki að borga fyrir hana. Afhverju á maður ekki afmæli svona 4-5 sinnum á ári, dugar akkúrat fyrir klippingunni allt árið!
Jæja halda áfram að læra.........hef svo mikið að segja en það verður að bíða betri tíma!!
See u guys

Gæludýr

2005-01-13T21:10:00.000Z

Ég keypti mér skjaldböku í dag!!! :-)
Ekkert smá sæta og litla, fór í vatnabúðina og ætlaði að kaupa mér gullfisk en sá skjaldbökurnar um leið og ég kom inn og það var ekki aftur snúið, ég bara varð að fá mér eina!
Hún er æðislegt krútt, svaka lítil og ég held að hún sé karlkyns( eftir því sem ég las á einhverri skjaldböku heimasíðu) en það vantar ennþá nafn á hann þannig að uppástungur eru vel þegnar!!
ég keypti meira að segja rosa flott búr handa honum með eyju og pálmatrjám og öllu svo hann geti sólað sig aðeins! Er meira að segja með borðlampan minn yfir búrinu til að líkja eftir sól!!
Skjaldbökukveðjur frá mílanó!!

Alvaran tekin við

2005-01-12T18:38:00.000Z

já fólk, jólin búin og ég komin aftur út og byrjuð í skólanum allveg á fullu, fékk nett sjokk í gær hvað það er lítill tími eftir, líður eins og ég sé að fara að keppa í stangarstökki á ólimpíuleikunum eftir 18 daga og þurfi að að stökkva yfir 4 metra, Jáhhh...........ég mundi ekki einu sinni drífa 1 meter! En svona líður mér! Vonlaust! En þetta á vonandi eftir að ganga vel,vona að ég komist allavega yfir 3.80m!
Hálf fúlt að vera komin úr sælunni heima, hefði allveg getað verið lengur, en svona er þetta 6 mánuðir straight núna, það er svolítið stór biti að kyngja en það er ekki eins og ég hafi gert þetta áður þannig að hann ætti nú ekki að standa fast í hálsinum.
Útsölur allveg í fullum gangi hérna og ég ætla svona að reyna að kíkja á þær, næla mér í einhvað sætt!
Svo bara læra læra læra!!!
Sakna ykkar rosalega þarna heima, vona að þið hafið það rosa gott, heyrumst!

Norman Foster

2004-12-13T22:26:00.000Z

Vá fór á fyrirlestur með Norman Foster í dag.
Þvílíkur snillingur!
Fyrir þá sem ekki vita er hann einn af frægustu arkitektum í heiminum í dag.
Breskur "bloke" eða lávarður er hann reyndar orðinn "loard" sem gerði t.d The Millenium Brúnna í London!
Í líkinda máli er þetta eins og fyrir fótbolta áhugamanninn að hitta David Beckham, ef við höldum okkur við Bretana.
Gæinn er genius!

San Siro

2004-12-12T21:59:00.000Z

Já fór á San Siro í dag á Milan-Fiorentina.
Leikurinn hófst kl 3 og það var mætt 1 1/2 tíma fyrr og þrammað inn á völlinn, já og þá segi ég þrammað! því skulum bara segja að það er ekki fyrir mjög þykkar manneskjur að þramma upp stigana á áhorfendapallana!
Móð og másandi eftir allt erfiðið settist ég á þennan fína stað og ég gat eiginlega ekki valið betri leik til að fara á með milan í fyrsta skipti því milan vann 6-0!! já 6-0!!
ekki slæmt að sjá 6 mörk, sérstaklega þar sem ég sat með 3 manneskjum sem héldu með fiorentina!( þeir kvöddu eftir 5 mörk!)
Þetta var allveg svakalega gaman þar sem ég er búin að halda með milan síðan ég var lítil, var búin að fara á inter leik en vantaði milan. Vá hvað maður á að fara oftar þar sem ég get labbað/hjólað á leikinn.
Svo er þetta bara svo mikil stemmning, getur ekki gerst betra, svona eiga sunnudagar að vera!!

Áfram Milan!!

Ég og Tram erum ekki vinir!

2004-12-12T13:00:00.000Z

Á laugardaginn var mér boðið í mat til Bigga og Guðbjargar svo var smá íslendingapartý á eftir, þar sem ég kynntist nýjum íslendingum!! Alltaf gaman að sjá íslendinga hér í mílanó!
Já og eftir það var fjörið búið því lenti í því að labba í 10-15 mín klukkan tvö að nóttu heim (ekki það viturlegasta) og það voru -2 gráður úti og ég ekki klædd fyrir það, við skulum bara segja að ég og TRAM erum EKKI vinir!

Ís, ljón,gospel tónleikar og gengislækkanir á dagskrá í dag

2004-12-10T15:24:00.000Z

Humm! Held ég horfi alltof mikið á ísland í dag!
já enginn skólin í dag, kennarinn þurfti að skreppa til japans!
Var að horfa á ísland í bítið og ætla að fara að klæða mig til þess að skreppa á handverksmarkaðinn, rölta þar í nokkra tíma. Svo í kvöld kl 21 það er kl 20 að íslenskum tíma ætla ég að skella mér á gospel tónleika niðri í bæ, hlakka mikið til!
Fékk ljón í súkkulaðidagatalinu mínu í morgun, ekki allveg að skilja hvað ljón kemur jólunum við, allavega einhvað sem ég er ekki allveg að skilja!
Það er bara búið að vera svakalega gott veður hjá mér núna síðustu daga og ekkert lát á því, ekta apríl veður án snjó. Borðaði ís í morgunmat, já ég veit, ég veit, ekki það hollasta en ég bara varð! Átti haagen-Dazs ís frá því í gær og varð bara að klára hann, hann var með vanillu caramel brownie bragði-himneskur-! Muniði eftir Boxer ísunum hérna áður fyrr þessi með oreo og síðan súkkulaði með súkkulaði spænum í, þessir eru svipaðir, hvað ætli hafi orðið um þá ísa? Þ.e Boxerana!
Jæja voða lítið að segja, er að koma heim eftir 12 daga!!! Get ekki beðið!!!
Jæja ætla að fara að dressa mig upp og hoppa á hjólið og klára þá peninga sem eru í buddunni núna, evran er svo lág núna að ég er að drífa mig að kaupa það sem ég þarf að kaupa áður en hún hækkar aftur! Vildi að ég ætti 6500 evrur núna þá gæti ég keypt evrur núna til þess að borga skólann á næsta ári en það munar heilum 50.000 kr!! ekkert smá ha!
Hear u soon!

2004-12-09T01:14:00.000Z

My goddamn rock solid ghetto shiznit name is Slimmy Dawg Teapot, Yo.
What's yours?
Powered by Rum and Monkey.

Gettó nafnið mitt er þá Slimmy Dawg Teapot,Yo!

YO YO wass'up!

Beðið eftir jólunum

2004-12-08T23:30:00.000Z

Já er farin að bíða eftir að komast heim um jólin, er búin að fá smá smakk af fríi þessa dagana og er ekki viss að ég nenni aftur í skólann á morgun en læt mig hafa það. Búin að jafna mig á þessari herfilegum magaverkjum og komin almennilega á fætur. Hlusta á jólatónlist þessa dagana meðan ég er að læra og eins og ég segi bíð eftir jólunum.
Rósa hringdi í mig áðan, rosalega gaman að heyra í henni þar sem ég er ekki búin að heyra í henn heillengi en er þó nokkuð sátt því bjóst við að heyra ekki í henni fyrr en eftir minnst 5 mánuði. Hef rosalega lítið að segja þannig að ég ætla bara að hætta þessu.

Endir

Jólamarkaðurinn!

2004-12-07T22:44:00.000Z

já jólamarkaðurinn eða handverksmarkaðurninn eins og hann heitir víst er byrjaður og ég fór áðan, labbaði í 4 tíma og skoðaði og skoðaði og skoðaði og skoðaði, þetta er svo stórt að ég er ekki einu sinni búin að skoða helminginn! já mikið af flottu dóti þarna sérstaklega finnst mér skemmtilegt að skoða það sem kemur frá indlandi og þeim löndum. er að pæla að fara aftur á morgun og rölta restina og kaupa það sem ég þarf að kaupa, því fyrsta ferðin er alltaf skoðunarferð og svo þegar búið er að skoða allt þá kaupir maður! ég er búin að koma mér upp tækni meira að segja! ótrúlegur er maður!
en ég hitti Kareni þarna sem er á fyrsta ári í skólanum mínum og við röltum þarna í nokkra tíma eða þangað til við gátum ekki meira í löppunum og þá settumst við niður og fengum okkur þýska saltkringlu og þýskan bjór sem var himneskt, þeir sem vita að þá er ég ekkert mikið fyrir bjór en þessi var svakalega góður og það var skálað í botn! Kannski var hann bara svona góður því ég var svona þreytt en held samt ekki en get samt ekki dæmt um það þannig að ég þarf bara að fara þarna á morgun og fá mér einn þegar ég kem og dæma svo! þó það eigi að vera kl 10-11 í fyrramálið, það hefur ekki skaðað neinn áður að fá sér bjór í morgunmat er það??
jæja ætla að snúa mér aftur að jólakorta gerðinni.

Veikindi og 18 dagar til jóla

2004-12-06T15:56:00.000Z

já búin að vera með skringilega magapest í 3 daga, búin að labba um eins og vofa í öfugum buxunum í 3 daga! Sem betur fer er 6 daga frí í skólanum, einhverjir hátíðisdagar, þó er ekki hátíðisdagur en þetta er það sem ég elska við ítalina, þeir eru svo séðir að það var helgi og svo er hátíðisdagur á morgun og hinn og þá ákveða þeir bara að hafa frí í dag því það nennir enginn að mæta bara í einn dag í vinnuna. Þeir eru allveg milljón þessir ítalir!
ég hef aftur á móti ekkert á móti þessu en vildi bara vera með betri heilsu til þess að njóta frísins.
Fór í saumaklúbb á föstudaginn, það var ágæt tilbreyting úr hversdagslífinu og það var sko mikið spjallað og hlegið!
Ætlum að reyna að halda annan aftur eftir áramót þar sem allir eru að undirbúa heimkomu á næstu vikum!!
Keypti mér efni í jólakort í frábærri föndurbúð um daginn og er núna á fullu að gera jólakort, hef ekki sent jólakort síðustu ár vegna anna þannig að ég ætla að hafa vaðið fyrir neðan mig í ár og byrja snemma, þó að ég nái nú ekki að senda þau fyrr en 22.des þegar ég kem heim.
Geri ekkert annað þessa dagana að sitja við skrifborðið og læra með bylgjuna í bakrödd, alltaf gott að hlusta á jólalögin á bylgjunni!!
Ég er að koma heim eftir 16 daga það gerir 2 vikur og umm látum okkur nú sjá 4 daga, þetta er allveg ótrúlegt að ég þurfi að fara að pakka aftur þar sem það er bara um vika síðan ég var að ganga frá ferðatöskunni upp í skáp síðan seinast, ég á bara eftir að fara 9 heila daga í skólann, úff mikið er þetta flótt að líða. En ég byrja ekki aftur í skólanum fyrr en 10 des þannig að ég verð á klakanum þangað til 9 des, það gerir heila 19 daga! Ekki slæmt jólafrí í ár! þó að það byrji ansi seint það er þann 23 er síðasti skóladagur, ætli það verði nokkur í skólanum þá daga, held ekki.
Hafið það bara gott þarna heima og hámið í ykkur smákökurnar fyrir mig líka!!

Til hamingju með 1.des allir!

2004-12-01T22:32:00.000Z

Gleðilegan fullveldisdag!
Er búin að kaupa mér prentara, epson stylus c66, mjög fínn prentari, markmiðið er að fara að búa til smá listaverk á vegginn hjá mér sem er u.þ.b 6 metrar á lengd (veggurinn sko, ekki listaverkið)og ekkert á honum þannig að það er kominn tími til að nýta þessa hönnunar reynslu.
Horfði á butterfly effect um daginn, mæli eindregið með henni!
Skreytti herbergið mitt á fyrsta í aðventu og kveikti á litla sæta jólatréinu mínu sem ég fékk fullskreitt og með seríu áfasta í 50centa búð á 6 evrur sem er um 500 kall ísl, kjarakaup!!
Fór svo í ræktina í dag, í læri magi og rass, hélt ég myndi ekki lifa það af en harkaði nú af mér þar sem við vorum bara 3 í tíma og ekki hægt að læðast út og líka það að hinar 2 konurnar voru að nálgast 60 aldurinn! varð að halda stoltinu og kláraði því tímann.
Þetta er það sem búið er að drífa á mína síðustu daga ásamt því sama, skóli sofa borða!

Geðraskanir

2004-11-26T14:43:00.000Z

var á leiðinn heim úr skólanum í dag og sat í lestinni, stendur þá ekki allt í einu kona upp og byrjar að góla og æpa! Hún er örugglega geðklofa því það var ekkert að henni rétt áður. ég var nú orðin smá smeik því hún nálgaðist mig óðfluga! hún stoppaði svo við hliðin á mér og tók nótu upp úr vasanum sínum og hélt því fram að þetta væri launaseðillinn hennar og að hún hafi bara fengið 6 evrur útborgaðar og hún hefði stritað og stritað í vinnuni en hafði bara fengið 6 evrur útborgaðar, sem í rauninni var nóta upp á 6 evrur úr einhverri búð!
svo sagðist hún ætla að láta þá sem sviku hana um launin sín kúka blóði og að þeir myndu sko fá að kenna á því á morgun!
Ég var farin að verða virkilega smeik við þessa konu og íhugaði meira að segja að fara út úr vagninum á næstu stoppustöð og skipta um vagn en þá ákvað hún að ganga aftast í vagninn og öskra meira þar!
vá hvað það getur verið til mikið af klikkuðu fólki!

2004-11-25T19:47:00.000Z

Erum nokkrar íslenskar stelpur að setja saman saumaklúbb, fyrsti hittingur er 3. des, get ekki beðið!
Hugmyndir af einhverju sem ég get farið með í saumó vinsamlegast þegið, uppskriftin verður að fylgja með!

Jarðskjálfti

2004-11-25T19:31:00.000Z

já það var jarðskjálfti í mílanó í gærkvöldi um 12 leytið. Ég var upp í rúmmi að horfa á mynd og byrjaði að finnast ég vera á einhverri hreyfingu og fannst þetta einhvað skrítið en fattaði ekki að þetta væri jarðskjálfti fyrr en ég sá veggina í húsinu ganga til. Ég hljóp í algjöru reiðileysi út í herbergishurðina mína þar sem ég hitti siggu sem var jafn undrandi og ég!
ok ykkur finnst kannski að ég sé að gera of mikið úr þessu þar sem ég er íslendingur og á að vera vön svona hlutum að þá er það alls ekki málið því að það koma ekki jarðskjálftar í mílanó, það er ekki hægt í þannig séð því mílanó er byggð ofan á á og þannig að það er ekki berg hér undir og í þó nokkuð kílómetra í kring. Þannig að þið sjáið hvers vegna við vorum furðu lostin. Skjálftinn var 5.3 á righter og var um 30 km fyrir utan mílanó hjá gardavatninu og sagt hefur verið að þetta er stærsti skjáltinn sem fundis hefur í mílanó síðan 1901! ég held að það hafi fundist einn síðan þá og hann var þá ekki stór, ekki skrítið að fólki hafi brugðið!
Það var búið að vara mig við ýmsum hlutum þegar ég kom hingað en eitt væri þó víst að ekki væri möguleiki að það yrði jarðskjálfti hér, það væri bara ekki hægt! Þá fer ég nú bara að hugsa........að það er aldrei hægt að segja aldrei, kannski ég fari nú bara að trúa því sem ingibjörg skólasystir mín hélt fram hérna á yngir árum að Þorbjörn gæti gosið en allir sögðu að það væri ekki mögulega hægt! Hvað veit maður eftir að hafa upplifað þetta, segi ég nú bara.

2ja vikna skammtur

2004-11-24T18:33:00.000Z

Það er margt skemmtileg og líka miður skemmtilegt búið að gerast hjá mér þessar 2 vikur, byrjum þar sem seinast var frá horfið, það er; óheppnin elti mig á röndum!
ekki var það þó búið eftir þessa útreið sem ég fékk því á föstudeginum( daginn eftir)var ég að koma heim úr skólanum og rótaði í töskunni minni til að finna lyklana af húsinu og allt kom fyrir ekki ég fann ekki lyklana!ég læst úti og sigga ekki heima. í panic kasti fór ég yfir atburðarrás dagsins og mundi eftir því að hafa mist úr vasanum mínum miða þegar ég var að fara í metróið og var farin að hallast að því að ég hefði misst lyklana líka! þá er ég í vondum málum!!!! svo mundi ég snögglega eftir því að mamí vinkona mín í skólanum hafði farið og keypt fyrir mig te í skólanum og tók lyklana mína með sér(lyklasistem á sjálfsalanum!) og ég fékk þá ekki aftur!! aha! hringdi í hana og þeir fundnir! Ég fer með heita kínverska take away matinn minn sem ég ætlaði að borða heima niður í bæ þar sem ég hitti mamí og var orðin svo svöng á leiðinni að ég borðaði bara matinn á leiðinni ( hann hefði hvort eð er verið orðinn ískaldur þegar ég kæmi heim!)
Daginn eftir var ákveðið að hafa hitting heima hjá Telmu kl 9.30.
mín leggur af stað kl 8.26 til þess að koma þangað örugglega tímanlega því það tekur rúmlega 45 mín að komast þangað. Ég bý eftir elskunni minni tram nr. 12! og ekkert skeður! Ég búin að bíða í 20 mín og engin 12! og ég bíð og bíð, það kom fyrir að labba niður á næsta horn sem tekur um 5 mín en þá kemur alltaf sú hugsun að ef tramminn skildi þá koma á meðan og þá missi ég af honum, þannig að ég stóð sem fastast! klukkan orðin 8.55 og ég orðin ansi köld enda kalt úti og þá birtist þetta dýrindis ljós í fjarska, tramminn á leiðinni! en þegar hann kom nær og nær var einhvað bogið við þetta, þetta var einhvað skrítinn tramm. Svo sá ég að þetta var lítill tram með annan miklu stærri í eftirdragi! það hlaut að vera! og á eftir þeim komu 6 aðrir trammar, ekki nema furða að það kom enginn! Ég sá fram á það að ég gæti bara valið um tramma til að fara upp í, ekki slæmt!
En svo gerðist það: í minni einstaklegri óheppni sem var búin að elta mig á röndum, gafst litli vagninn sem var með stóra bilaða vagninn í togi upp beint fyrir framan nefið á mér! ALLIR ÚT! heyrði ég, og ég ekki einu sinni komin inn, þá var ekkert annað að strunsa með allri strollunni á næstu stoppustöð þar sem annar vagn stoppar tram nr 14. kl þá orðin 9.10 og ég tilkynnti það í símann að ég yrði smá sein þar sem ég væri enn á byrjunarreit eftir 45 min bið! orðin helv.........köld beið ég eftir tram 14 eins og allir hinir strandaglópa félagarnir mínir, en hvað þá.........
þá kom 14 ekki heldur..........hvað var að ske! og ég endaði með því að bíða þar í hálftíma! frosin inn að beini kom ég til Telmu kl 10.50! 2 og hálfum tíma eftir að ég steig út úr húsi, er þetta hægt???
þegar ég var á leiðinni heim vildi það svo til að það var ekki einn leigubíl að finna í mílanó! það tók mig 2 tíma að reyna að fá leigubíl, þegar ég hljóp út á horn fann ég reyndar einn en hann rataði ekki heim til mín og benti mér á að það væri best ef ég fyndi einhvern annan leigubíl, það var kannski fyrir bestu því hann var ný skriðinn út af einhverri búllu þarna. Ég var komin heim kl 4 um nóttina og sór það að fara ekki út úr húsi daginn eftir og stóð við það enda gerðist lítið þann dag.
það sem eftir var vikunnar og daganna á efrir gerði ég mest lítið en að læra,borða og sofa. Fór reyndar rölt í kínahverfinu með tveimur vinkonum mínum önnur japösnk og hin frá tæwan, verslaði í kínverskum súpermarkaði og fórum að borða kínverskan.
iko!

A night to remember or not!

2004-11-12T16:21:00.000Z

Er hægt að koma svona mikið fyrir eina manneskju á einu kvöldi eða er þetta bara ég........ég veit ég veit, þetta er bara ÉG!
Fór út í gær með krökkum úr skólanum, það var einn strákur í bekknum sem átti boðskort á háskólapartý á diskói sem heitir The schoking.
Ég mælti mér mót við skólafélagana á lestarstöð kl 22 sem tekur mig 20 min að komast á.
Þannig að mín fer út úr húsi kl 9.30 og býður í 10 mín eftir bussinum sem svo loks kemur. Mín sest inn í bussinn, aftast nánartiltekið, þar er nefnileg alltaf heitast og ég orðin ansi köld að bíða og vonast nú til að hann fari strax af stað.
Ekki voru mínar óskir uppfylltar því bílstjórinn drap á vélinni og vatt sér úr sætinu sínu og sér mig aftast og gengur að mér til þess að spyrja því í ósköpunum ég sitji allveg aftast í vagninum þar sem öll sætin eru laus ég svara kurteisisleiga en þurrt í þeirri von um að hann myndi ekki spyrja mig að neinu öðru! Einhvað hafa þessi skilaboð farið á misvís því gæinn endaði á að spyrja mig spjörunum úr og segja mér sína ævisögu næstu 15 mínúturnar! Við erum að tala um að ég veit allt um þenna mann í dag, meira að segja systir hans heitir Rósa eins og ég! Ég var orðin ansi óþolinmóð þegar hann ákvað loksins að fara af stað þá kl orðin 9.55 og ég átti að hitta fólkið eftir 5 mín og ég ennþá á byrjunarreit!
Sendi skilaboð um að ég væri nú aðeins of sein en væri á leiðinni.
Fór síðan út á stoppistöð sem heitir Lotto þar sem ég fer niður í metroið(neðanjarðarlestina) sem ég þarf að taka. Ég labba niður og þegar ég kem niður sé ég að það stendur að það séu 15 mín í næstu lest!
Ég hélt ég myndi fara að gráta, þvílík óheppni, hélt ég væri að sjá ofsjónir!
Ákvað að fara aftur upp á götu til að hringja í krakkana og var næst því að segja að ég nennti ekki meira en þar sem það var búið að taka mig þetta langan tíma að komast þangað var ég ekki að fara að snúa við!
Ég hringi og það er boðist til að ná í mig því það væri fljótlegra. Ég labba út á hornið á hringtorginu þar sem ég var beðin um að vera. Við erum að tala um að það var líka hellirigning og ég í sparifötunum en sem betur fer fór ég í þykka peysu innan undir, annars hefði ekki þurft að spurja að mér.
Ég planta mér á hornið og bíð og sagan er ekki búin ennþá því í því rennir bíll við hliðin á mér og inni situr kall sem kallar í mig um að koma og blikkar og alles, þarna stóð ég að skíta í buxurnar við hræðslu á þessum ógeðslega kalli, sem tók mig sem einhverja bimbó að selja sig!
Þá var ég nú farin að byðja til guðs um hvort þau væru nú ekki að koma.
Loksins eftir mikil köll í kallinum gafst hann upp mér til mikillar ánægju.
og í því var mér komið til bjargar! Restin af kvöldinu gekk slysalaust og tókst vel í allastaði og mín ekki komin heim fyrr en kl 3.30 og mætti í skólan í morgun ásamt bekkjafélögunum og við vorum hver öðru verri í geyspunum, mikið og sterkt kaffi kom til bjargar þó.
Ég held að ég hafi klárað kvótann fyrir árið og ef ekki meira í gær í ógæfu!

Þvílíkt klúður

2004-11-10T16:12:00.000Z

horfði á fréttirnar í dag fyrir 2 seinustu daga, var ekkert búin að vera á netinu, sá í fréttunum að iceland express væri búin að fella niður flug og fljúga núna bara einu sinni á dag, rauk strax í póstinn minn til að athuga með mín flug og mér til mikillar gremju er búið að fella niður flugið mitt aftur út og ég búin að panta áframhaldani flug.....veit ekkert hvað verður hægt að gera fyrir mig eða hvenær ég kemst aftur út! er ein af 8000 manns sem þarf að breyta fluginu sínu, núna fer ég að hugsa mig tvisvar um að fljúga með expressinum.

Íslendingapartý

2004-10-31T15:41:00.000Z

þetta er ekki allveg að ganga ég verð að fara að vera duglegri að skrifa en það er kannski búið að vera svo mikið að gera að þegar ég fer á netið þá gleymi ég alltaf að skrifa en hér með verður bætt úr því!
við skulum bara byrja frá því fyrr var frá horfið þ.e.a.s ég fór þarna á föstudeginum til Venezia (Feneyja)og laugardagurinn fór mestur í leti.
Á sunnudaginn var íslendingapartý hjá Telmu og Evert(Telma er í fyrst bekk í skólanum mínum, kynning á íslendingum í mílanó kemur innan nokkra daga)
já...hittingur kl.17 heima hjá þeim og það átti að fara að horfa á svínasúpuna sem kom sjóðheit úr tækinu með sendingu frá íslandi! Fólkið var mætt heim til þeirra á réttum tíma fyrir utan Bigga og Guðbjörgu sem gátu á einhvern ólýsanlegan hátt ekki opnað með lyklunum sínum og þurftu að fá lásasmið til að opna fyrir sér, kom svo í ljós að Guðbjörg hafði gleymt að taka lyklana sína úr skránni þegar hún fór út!
Þetta var nú ekki eina vandamálið sem skapaðist þetta kvöld því þegar ég mæti heim til Telmu þá er hvergi að finna videotæki til leigu í Mílanó og svo var sunnudagur=allt lokað! Nú á dögum á auðvitað enginn videotæki!
Leitin að videotæki hófst og það var hringt og leitað á netinu og farið á videoleigurnar en ekkert videotæki! Allt stefndi í það að svínasúpu partýið yrði svo ekkert svínasúpu partý!
Strákarnir fóru svo á stúfana og loks fannst videotæki!jibbí! leigðu það af einhverjum skota á 10 evrur en skotinn var nú eiginlega meira á því að selja þeim það á 70 evrur, óskiljanlega fannst honum það ótrúlegt tilboð!
Strákarnir komu heim allveg í skýjunum með tækið og pizzu og nú gat svínasúpan hafist, spólan var sett í tækið og viti menn.....tækið bilað!
Með öskrum, ofbeldi og miklum heilabrotum komst tækið í lag og þá var kl orðin um 20!
Kvöldið endaði sem sagt mjög vel og allir ánægðir og úthlegnir!
Þá var ekkert annað en að halda heim á leið og leggjast undir sæng!

Komin til Mílanó og strax skellt sér til Feneyja

2004-10-30T18:30:00.000Z

jæja loksins fyrsta færslan!
ég er komin til mílanó aftur þar sem ég er að byrja mitt annað ár í skólanum. Ég bý ennþá í sömu íbúð og var að koma mér fyrir aftur.
En skólinn byrjaði á miðvikudaginn og það var rosalega gaman að koma aftur og hitta allt fólkið og svo líka nýja fólkið líka, það komu 5 nýjir í bekkinn okkar þannig að við erum orðin 23 á ný og þar með stærsti bekkurinn í skólanum og þar af leiðandi fengum við stærstu og flottustu stofuna, þó ekki sé mikið af stofum að velja úr þær eru nú nefnilega bara 3!
1 af þessum 5 sem bættust við í bekkinn er íslendingur og það skemmtilega við það að þetta er hún Guðbjörg vinkona mín sem er líka búin að vera hérna í eitt ár nema að hún var að læra industrial design á seinasta ári og ákvað að skipta yfir.
já ég var að segja að skólinn væri byrjaður og við byrjuðum á því að skella okkur til Feneyja að skoða sýningu sem er í gangi þar og lögðum í hann í gær kl 6.55 um morguninn, ég verð að viðurkenna að það var mjög erfitt að vakna!
Þetta er í fyrsta skipti sem ég kem til Feneyja þannig að ég var í hálfgerðri túristaskoðun líka. Við vorum síðan ferjuð frá lestarstöðinni til sýningarinnar í Vaporetto sem er bátarlest, engin önnur leiða að komast á áfangastöð en með vaporetto, en það var rosa gaman að ferðast með þessu ferlíki, leiðinlegast var að það tók um klukkutíma að fara smá spöl. ekki fljótfarnasta farartæki sem ég hef ferðast með má með sanni segja!
Ég verð nú að fara einhvern tímann þarna aftur og þá þegar er betra veður, þetta er mjög athyglisverð borg það er víst, fólk fær örugglega bátapróf á undan bílprófi þarna og ekki fyndis mér það skrítið að margir Feneyja búar væru ekki með bílpróf.
En það mætti samt halda að þetta fólk væri fætt með bátapróf þarna því þeir eru snillingar á bátum þarna, sá nokkra taka skranz beygju inn í mjó húsasund, við skulum bara segja það að ekki myndi ég á minni lífsleið reyna að leika þetta eftir!
Síðan eru slökkviliðs bátar, löggubátar og leigubílabátar og allskonar bátar það var meira að segja drykkjarbátur þ.e ef maður vill einhvað að drekka veifar maður honum og það er bara hvað má bjóða þér takk fyrir!
Já þetta var mjög skemmtileg ferð og ég ætla ekki að láta líða lengi þangað til ég skelli mér aftur og svo er þetta ekki í nema 3 tíma fjarðlægð.
núna er það bara skólinn á þriðjudaginn ( all saints day á mánudaginn) og þá byrjar alvaran aftur.
Ciao elskurnar mínar

Gullmoli ferðarinnar;
Biggi kom með þá skemmtilegu athugasemd að það væri nú ekki hægt að taka fólk fyrir drinking and driving í Feneyjum heldur væri það nú frekar drinking and boating!
Cheers!

prufa

2004-10-12T19:07:00.000Z

er aðprufa comment

Prufu póstur

2004-05-21T15:31:00.000Z

Vefstjórinn hér. Bara tjekka hvort allt virki.